Proxecto EDAR 360

Imprimir |

PROXECTO EDAR 360: Investigación en Intelixencia Artificial para mellorar o control, optimización e comparación de procesos en Estacións de Depuración de Augas Residuais

Un consorcio de empresas e centros tecnolóxicos galegos, únense co obxectivo de desenvolver solucións dixitais que permitan o control e a optimización dos procesos de depuración de augas residuais, favorecendo, deste xeito, a protección das masas de auga na nosa Comunidade.

O proxecto EDAR 360, conta cun orzamento total de 1.080.387,70 € e está liderado por Viaqua. Completan o consorcio, as empresas galegas de base tecnolóxica Syspro Automation S.L.U. e Ednon S.L. Este consorcio contará á súa vez coa colaboración dos centros de investigación Instituto Tecnolóxico de Galicia (ITG) e Cetaqua Galicia.

Este proxecto, enmarcado no programa Conecta Hubs 2021, está subvencionado pola Axencia Galega de Innovación (GAIN) para apoiar o crecemento e competitividade das empresas galegas (http://gain.xunta.gal/), e cofinanciado con cargo a Fondos FEDER, orientado a fortalecer o mercado laboral e as economías rexionais (https://www.europarl.europa.eu/) no marco do programa operativo Feder Galicia 2014-2020, ademais de recibir o apoio da Vicepresidencia Segunda e da Consellería de Economía, Empresa e Innovación da Xunta de Galicia. A partir desta convocatoria búscase financiar un proxecto colaborativo aliñado coas áreas dos Hubs Galegos de Innovación Dixital, que permita consolidarse dentro do marco de Especialización Intelixente de Galicia.

Viaqua impulsa o despregamento estratéxico da Intelixencia Artificial e a ciberseguridade como elemento tractor para a tan necesaria dixitalización dos procesos de depuración de auga, mediante a monitorización de procesos, a detección temperá de alertas e o soporte á decisión para a optimización destes procesos, cun foco especial na redución de impactos ambientais e a xeración de eficiencias operativas. Desde este enfoque, a proposta de desenvolvemento neste proxecto oriéntase á xestión eficiente e sostible da rede de plantas depuradoras de auga que opera como parte do seu servizo. Por iso, as solucións obtidas serán validadas en diferentes instalacións operadas por Viaqua a fin de garantir a replicabilidad dos resultados obtidos.

EDAR360 alíñase cun dos grandes retos estratéxicos do sector da auga marcado polas directrices europeas, acometendo a súa modernización a través do desenvolvemento de solucións tecnolóxicas dixitais que garantan unha óptima xestión do saneamento.

A presentación de EDAR 360 tivo lugar o 18 de febreiro de 2022 na Cidade da Cultura, Santiago de Compostela.

AVANCES NO PROXECTO EDAR 360: Investigación en Intelixencia Artificial para mellorar o control, optimización e comparación de procesos en Estacións de Depuración de Augas Residuais

O proxecto EDAR 360 xorde co propósito de desenvolver solucións dixitais que contribúan ao control e a mellora dos procesos de purificación de augas residuais, co obxectivo primordial de protexer as masas de auga na nosa Comunidade.

O proxecto, que conta cun orzamento total de 1.080.387,70 €, está liderado por Viaqua e compleméntase coa participación das empresas galegas de base tecnolóxica Syspro Automation S.L.U. e Ednon S.L. Así mesmo, o consorcio conta coa colaboración dos centros de investigación Instituto Tecnolóxico de Galicia (ITG) e Cetaqua Galicia.

Durante este ano, as solucións desenvolvidas no marco deste proxecto foron validadas nas instalacións operadas por Viaqua proporcionando soporte para garantir unha óptima xestión do saneamento na monitorización e detección de anomalías en tanques de proceso de depuradora, ademais de caracterizar procesos biolóxicos e químicos mediante enfoques combinados entre modelos físicos e modelos de intelixencia artificial. Por iso, un dos principais obxectivos alcanzados foi a mellora da seguridade dos sistemas industriais, en concreto da depuración de augas residuais mediante o emprego de Intelixencia Artificial.

A distribución de sensores polas instalacións permítenos obter datos en tempo real para alimentar os algoritmos de intelixencia artificial

FINALIZACIÓN DO PROXECTO EDAR 360: Investigación en Intelixencia Artificial para mellorar o control, optimización e comparación de procesos en Estacións de Depuración de Augas Residuais

O proxecto EDAR 360 xorde da necesidade de desenvolver solucións dixitais que permitan o control e a optimización dos procesos de depuración de augas residuais, favorecendo, deste xeito, a protección das masas de auga na nosa Comunidade.

O proxecto EDAR360, conta cun orzamento total de 1.080.387,70 € e está liderado por Viaqua. Completan o consorcio, as empresas galegas de base tecnolóxica Syspro Automation S.L.U. e Ednon S.L. Este consorcio contará á súa vez coa colaboración dos centros de investigación Instituto Tecnolóxico de Galicia (ITG) e Cetaqua Galicia.

O traballo realizado ao longo do 2023 estivo centrado no despregamento de cámaras e resto de infraestruturas ciberfísicas nas instalacións operadas por VIAQUA, así como no desenvolvemento dos algoritmos de intelixencia artificial. O despregamento destes elementos permitiu a toma de datos e imaxes das instalacións en tempo real, alimentado os algoritmos de intelixencia artificial para o seu desenvolvemento. Estes algoritmos, aplicados aos diferentes casos de uso identificados e desenvolvidos en colaboración con CETAQUA e o Instituto Tecnolóxico Gallego (ITG), permítennos tanto detectar eventos das instalacións como o envío de alarmas asociadas aos mesmos, o que se traduce nunha resposta temperá.

Os algoritmos desenvolvidos durante esta anualidade están actualmente nunha etapa de validación nas instalacións ata o final do proxecto, co obxectivo de seguir alimentando os algoritmos con datos que nos permitan incrementar a robustez dos mesmos e o seu replicabilidad.